O señor Lugrís e a negra sombra (Ed. Xerais) de Luis Rei foi recoñecido este sábado como Libro do ano 2007 pola Federación de Libreiros. Canda a el, este colectivo concedeu os outros galardóns que comprenden os seus Premios Irmandade do Libro: os suplementos culturais do Faro de Vigo na categoría de medios de comunicación, o IES de Sanxenxo como centro de ensino, Trama de Lugo como libraría, Xosé María Álvarez Cáccamo como autor. Ademais, Xaime Corral, o presidente da Federación amósase esperanzado porque asegura que nunca se leu tanto como agora, malia que o índice de lectura baixou no último ano en Galicia.
