A Federación de Libreiros entregou os sábado os galardóns correspondentes á X Edición dos Premios Irmandade do Libro. Con estes premios, os libreiros recoñecen o labor daquelas persoas e institucións que máis fixeron polo desenolvemento da cultura do libro en Galicia. Entre os premiados, "Fada Morgana", Méndez Ferrín ou Xerais.
Premiados
As diferentes categorías en que se divide este galardón recaeron desta volta en Xosé Luis Méndez Ferrín como autor e na revista sobre literatura infantil "Fada Morgana" no apartado de medios de comunicación. A editorial premiada foi Edicións Xerais pola elaboración do seu último diccionario, como institución levou o premio a agrupación Preescolar na casa de Lugo e como colexio o CEIP de Palmeira (Ribeira). A librería Follas Novas de Santiago foi considerada a mellor deste ano pola súa "calidade e profesionalidade". Ademais recibiron accésits os Colexios Públicos de Crespón (Boiro) e Castrelo (Cambados).
Discriminación positiva
Nas súas declaracións durante o acto de entrega Méndez Ferrín, candidato galego ó premio Nóbel, soliciou ós libreiros que realizen "unha discriminación positiva" cara ás obras en galego. Segundo el, "os libreiros acumulan o valor engadido de saber que son difusores da cultura, e polo tanto, promotores da liberdade". Estes profesionais "non deben sucumbir ás campañas publicitarias e económicas do libro foráneo".
