Comezan en Santiago as Feiras do Libro deste ano, mentres Xosé Mª Álvarez Cáccamo leva o premio Irmandade do Libro

A alameda de Santiago de Compostela é desde mañá a primeira parada das feiras do libro deste 2008. O evento trasládase a Ferrol a partir do día dezasete e percorre en total doce localidades galegas achegando presentacións literarias, recitais, sesións de sinaturas e outras actividades. A coincidir coa presentación da feira, o presidente da Federación de Libreiros, Xaime Corral, deu a coñecer tamén que o Premio Irmandade do Libro ao mellor autor foi para Xosé María Álvarez Cáccamo. Estes galardóns entregaranse en Sanxenxo o vindeiro día doce.