Unha das lendas cinematográficas e literarias do vello continente chega a Galicia. Trátase da emperatriz Sissi que será a protagonista dunha significativa exposición que se poderá ver da man do coruñés quiosco Afonso. Unha mostra que fará un percorrido polo universo do mito e que se completará con ciclos de conferencias e proxeccións cinematográficas. Ademais, a Orquestra Sinfónica de Galicia completará "temporada austríaca" adicando concertos do seu programa de outono á música creada naquela época.
Os datos da mostra
Traer a Austria Imperial de Sissi emperatriz implica un movemento destacado de obras, vestiarios, orfebrería e mobiliario. Uns catrocentos obxectos peroais que farán un itinerario sobre o mito e que compoñerán aquí responsables de museos de Viena e de Budapest e do propio comisario da mostra e que traen de museos procedentes de Austria, Hungría, Alemaña e Italia de coleccionaistas privados e dos propios descendentes de Sissi.
Unha mostra que se poderá ver na Estación Marítima da Coruña e no Quiosco Afonso do 6 de outubro ó 6 de xaneiro e que ten un custo de 85 millóns de pesetas. Unha cantidade que aportan a Xunta de Galicia (25 millóns), Caixa Galicia (25 millóns) e o Concello da Coruña (35 millóns).
Sissi: mito
O 10 de setembro de 1898 un arquista clavoulle un estilete no corazón a Elisabeth Wittelsvach (máis coñecida como Sissi). Foi en Xenebra e o estilete non era para ela, senón para o Duque de Orleáns, que cambiou de opinión no último momento, e feito que lle salvou a vida. E isto serviu para incrementar o mito da emperatriz de Austria. unha muller marcada polas obsesións (non sobrepasar os 50 kilos de peso) e por un camiño que lle dictou un marido indiferente e unha sogra excesivamente controladora.
Un mito que foi levado ó cine por Romy Schneeider (quen se veu absorvida pola personaxe) e que foi obxecto de numerosas entregas literarias (históricas e máis de tipo folletinesco).
Máis actividades
Para recrear o universo de Sissi emperatriz ademais da mostra que se exhibirá no Quiosco Afonso existen outras actividades paralelas. Por unha banda están o ciclo de conferencias e os obradoiros que se realizan no Forum coruñés e que pretenden abordar o momento histórico que se detalla na exposición. Un ciclo de conferencias que abordan a importancia política e social da protagonista e que se centrarán en diferentes facetas: historia, arte, literatura, música e moda e que se prolonga ata o mes de decembro.
E por outra banda a Orquestra Sinfónica de Galicia ten no seu programa de outono previsto interpretrar música de autores que triunfaban no panorama europeo dos tempos de Sissi.
