O Museo de Arte Contemporánea Unión Fenosa acolle unha conferencia sobre manga

Semella evidente que nesta altura xa non é posible falar da cultura xaponesa actual sen tratar o manga. Cando menos, así o están a amosar no Museo de Arte Contemporánea Unión Fenosa, na Coruña. Este espazo acolle o ciclo “Outras olladas sobre o Xapón contemporáneo” dentro do que se poderá asistir, o mércores dezaseis de abril ás oito da tarde, á conferencia “O oculto da sociedade nipona: do mundo flotante do ukiyo-e ao consumo do manga contemporáneo”, a cargo do investigador en Belas Artes Xosé Andrés Santiago.