Contar cun albergue cada 25 quilómetros, arranxar o firme en diferentes tramos e a restauración de templos e elementos patrimoniais do contorno son os obxectivos que a Dirección Xeral de Turismo ten para a Vía da Prata de cara ao vindeiro Ano Santo 2010. Para isto, a Consellaría de Industria achegará cinco millóns de euros a este camiño Xacobeo. Ademais, a finais do vindeiro mes, un congreso con expertos internacionais sobre a vía buscará divulgar a súa importancia.
