Industria inviste 1,3 millóns en recuperar sete templos en Ourense

Sete templos situados nas proximidades da Vía da Prata no seu tramo ourensán sufrirán en breve obras de recuperación por valor de 1,3 millóns de euros. A consellaría de Industria e mais o Bispado de Ourense asinaban esta mañá o convenio polo que se prevé as restauracións de cara ao Xacobeo 2010. As obras afectarán a retablos coma os de Santa María do Canizo, de Riós ou de San Salvador de Celanova e a templos completos coma a ermida de Erosa, entre outros.