Despois de meses de disputas polo incremento orzamentario do Auditorio-Pazo de Congresos de Vigo as partes implicadas acaban de chegar a un acordo. Cunha redución sobre o proxecto inicial, a Cidade Olívica contará con esta nova infraestrutura para xaneiro de 2011. O futuro auditorio contará con 1.500 prazas ademais dunha segunda sala multiusos. Ademais, “Faro de Vigo” publica hoxe que a Consellaría de Cultura achegará 400.000 euros para reformar o actual auditorio municipal e convertelo nun teatro estable.
