Malia que estaba anunciado para o primeiro de xaneiro, ao final será este sábado 26 de marzo cando se inaugure o auditorio Mar de Vigo. Tampouco será cun concerto a cargo dunha filharmónica internacional, como se apuntara con anterioridade, senón coa cantante galega Luz Casal. O sábado abrirá a nova infraestrutura cultural da cidade de Vigo que contará con 1.500 localidades. Malia que non se anunciou a programación cultural deste espazo polivalente, sábese que están organizados 15 congresos para os vindeiros tres meses.
