El Patito Editorial lanza “As aventuras de Cacauequi”, o Premio Castelao de Jacobo Fernández

En quince días sairá á rúa, con edición en galego e en castelán, “As aventuras de Cacauequi”, a obra coa que Jacobo Fernández gañara o último Premio Castelao de Banda Deseñada. El Patito Editorial publica este álbum que cualifica coma “un macrotexto no que a aparente sinxeleza oculta fondas reflexións en torno ao amor, as relacións humanas, a morte, a crueldade, a viaxe, o terror ou os límites entre soños e pesadelos”. A presentación será o vindeiro 26 de marzo no centro comercial FNAC da Coruña.