Ézaro terá un museo da electricidade e Padrón abrirá o seu arquivo aos turistas

A antiga central eléctrica de Ézaro, onda a fervenza do Xallas, transformarase nun Museo da Electricidade. Este espazo quere servir para amosar o proceso de transformación da enerxía para os turistas, un proxecto no que o Concello de Dumbría investirá 220.000 euros. Pola súa banda, tamén en Padrón fan unha aposta turística orixinal. O Concello quere incluír o seu arquivo histórico nunha ruta turística para amosarlle aos visitantes o pasado da vila mediante documentos orixinais.