O Consello da Cultura e o ILG presentan o libro “Na nosa lyngoage galega”

A emerxencia do galego coma lingua escrita na Idade Media é o eixo das comunicacións que compoñen “Na nosa lyngoage galega”. A obra, presentada esta mesma mañá no Consello da Cultura Galega, en Santiago, recolle os traballos que se presentaron no congreso homónimo que esta institución e mais o Instituto da Lingua Galega organizaron en 2005. Entre as achegas do mesmo atopamos artigos que tratan cuestións coma os nomes de persoas na lírica ou as variacións dialectais na época, entre outros temas.