Quiosco: Estudos de Lingüística Galega

O web do Instituto da Lingua Galega da Universidade de Santiago de Compostela alberga a edición dixital de Estudos de Lingüística Galega. A revista anual que promove esta institución pretende ser "un lugar de reflexión sobre a norma idiomática e, asemade, de análise crítica e difusión da investigación lingüística". Na primeira entrega, pódense ler artigos sobre a formación do galego escrito na Idade Media, variacións lingüísticas e outras cuestións.