Unha publicación sobre a lingua abre o formato de revistas electrónicas da USC

Estudos de lingüística galega é unha publicación do Instituto da Lingua Galega (dependente da Universidade de Santiago, USC) que pretende servir de espazo de debate e intercambio científico sobre a norma idiomática e, ao tempo, servir de análise crítica e difusión da investigación lingüística. Ademais, é a primeira revista de formato electrónico que edita a USC. Ten periodicidade anual, está en galego, as linguas románicas da Península Ibérica, o francés, o italiano e o inglés. Está organizada en tres seccións: Pescuda (inclúe artigos de investigación orixinais sobre lingüística e filoloxía, sobre o galego), Peneira (artigos breves e notas orixinais en relación coa variedade normativa da lingua galega) e Anada (inventario da produción correspondente do último ano e recensións críticas orixinais de traballos lingüísticos).