O Laboratorio Itinerante Escénico chega á Illa de San Simón para explorar as posibilidades creativas

Tres anos despois de celebrar a súa primeira edición, o Laboratorio Itinerante Escénico chega á Illa de San Simón. Será na primeira quincena de setembro cando seis artistas (Xela Marx, Rosa Casada, Óscar Villegas, Luciana Pereyra, María Eugenia de Castilla e Anxo Simón) explorarán os límites da creatividade artística. Este proxecto é unha das actividades previstas dentro do Festival Alternativo das Artes Escénicas de Vigo, ALT.08 que desenvolve o concello olívico e a asociación “Noes café Teatro” e que remata esta fin de semana.