O Centro de Estudos Galegos de Rennes achega BD ás súas xornadas

Os vindeiros días 11 e 12 de marzo o Centro de Estudos Galegos da Universidade de Rennes celebra as súas Journées d`études galiciennes, e o primeiro destes días estará centrado na banda deseñada. Unha conferencia de Henrique Torreiro achegaralle aos bretóns unha visión sobre a actualidade da banda deseñada do país. Pouco despois, o autor Kiko da Silva será o encargado de amosar nun obradoiro como se crean personaxes de banda deseñada en Estados Unidos, Xapón e Europa e mais as diferenzas narrativas entre estes tes grandes bloques editoriais.