Ourense acolle desde hoxe a IX Bienal de Caricatura, que abre as súas portas ás sete e media da tarde. Unha mostra de novos caricaturistas, outra do traballo de autores galegos, a retrospectiva de João Abel Manta, a monográfica de Turcios e unha selección da revista “Retranca” son algunhas das propostas expositivas que se integran no programa. A maiores, a vindeira fin de semana celebrarase, no Museo Municipal, a Festa da Caricatura, coa presenza de diferentes autores. Presentacións e outras actividades completan as propostas ata o vindeiro trinta de marzo.
