A intelectualidade galega tiña unha cita en Lalín este sábado. Era o día no que se cumprían cen anos do nacemento de José Abeledo (Laxeiro) e alí se congregaron políticos, intelectuais e artistas co obxectivo de impulsar a súa figura. Entre as múltiples propostas que barallaron para pór en valor o seu legado, xurdiu a intención de declarar a data do seu nacemento (23 de febreiro) como Día da Arte Galega.
