O Xacobeo apoia a divulgación e a restauración do patrimonio lugués

O Conselleiro de Industria, Fernando Blanco, presentaba esta mañá en Lugo o proxecto “Monumento Lucensia” para divulgar o patrimonio desta cidade mediante a Sociedade de Xestión do Plan Xacobeo. Paneis informativos en trinta puntos da cidade, e máis de dez mil folletos darán a coñecer as características deste conxunto patrimonial. Ao tempo, incidiu en que o seu departamento achegará 200.000 euros ao Museo Diocesano de Lugo e que este ano se desenvolverán os proxectos de recuperación da Igrexa de Saamasas e da capela de Santa Locaia de Romeán.