Muller e investigadoras. Estes son os dous denominadores comúns que manteñen as cincuenta investigadoras que aparecen recollidas en “Investigadoras galegas” unha publicación da xornalista Iolanda Casal. Un volume que inclúe avogadas, químicas, filósofas ou enxeñeiras de telecomunicacións que supoñen unha mostra do 40% de persoal feminino dos equipos de investigación e do 14% de catedráticas que hai en España. En todo caso, Iolanda Casal quixo deixar claro que hai outras tantas investigadoras que quedaron fóra desta publicación.
