Mulleres dos mortos: unhas xornadas amosan o papel das científicas na investigación en esqueletes humanos

O ámbito da antropoloxía física e do estudo dos restos humanos do pasado concentra un gran número de investigadoras femininas. Dúas científicas da USC, Olalla López-Costas, do grupo Ciencia do Sistema Terra, e María Loureiro García, do grupo de análise xurídico-económico, organizan o ciclo "Mulleres dos mortos. Investigadoras en esqueletos humanos" que permitirá coñecer diferentes facetas deste traballo de investigación. Entre o 13 de marzo e o 8 de abril de 2019 celebraranse conferencias no Salón de Graos da Facultade de Bioloxía da USC a cargo de investigadoras da Universidade de Granada, Girona, Barcelona ou autónomas, dando conta de momias, cementerios, esqueletes de nenos e investigación xenética.