Carlos Vermut presenta as súas obras na libraría viguesa Banda Deseñada

Aspirante a catro premios no último Saló del Còmic de Barcelona e de ascendencia galega, o debuxante Carlos Vermut visitará o vindeiro sábado 23 de febreiro o noso país. A partir das seis da tarde, a libraría Banda Deseñada de Vigo acollerá unha sesión de sinaturas das súas obras “Psico Soda” e “El Banyan Rojo”. No encontro, ademais, haberá unha sesión musical a cargo do propio autor.