O Consorcio Inglés retoma a actividade para preparar o vindeiro Ano Xacobeo

O vindeiro Ano Santo é para 2010 e aínda que faltan case dous anos, diferentes entidades xa están a preparar a efeméride. Entre elas destaca o Consorcio do Camiño Inglés que despois de catro anos de inactividade, acaba de reunirse para retomar o seu traballo. Entre as primeiras tarefas está a de ampliar o número de albergues, mellorar os centros de atención e información ao peregrino, así como un proxecto de contar cunha credencial de “Peregrino oficial da ruta inglesa”.