Sete entidades reciben os Premios Camiño de Santiago 2018

O Consorcio de Turismo e Congresos da Coruña, o Concello do Grove, a Asociación Galega de Amigos do Camiño de Santiago, a Asociación de Amigos do Camiño de Tokio, a Asociación Protectora Animais do Camiño (APACA), o Grupo Compostela Universidades e o CRA de Caldas de Reis foron os elixidos nesta ocasión polo xurado dos premios Camiño de Santiago 2018 convocados pola Consellería de Cultura e Turismo, "polos seus méritos na atención ao peregrino e unha idónea xestión e difusión dos recursos ligados ao Camiño de Santiago desde diferentes eidos". Os premios foron entregados onte.