Os responsables de política lingüística de Galicia, Euskadi e Cataluña presentan unha declaración conxunta

Expolangues, o salón dedicado ás linguas que se está a celebrar en París, acolleu esta mañá a sinatura da "Declaración de París". Este texto, compartido polos responsables de política lingüística de Galicia, Euskadi e Cataluña reclama os dereitos lingüísticos das minorías e avoga por unha Europa plurilingüe e multicultural, na que "os cidadáns dos respectivos ámbitos territoriais poidan valerse da súa lingua propia como vehículo principal de relación coa súa comunidade".