Galicia inicia mañá a súa presenza no Expolangues de París

Entre o 14 e o 17 deste mes, a nosa lingua ten unha cita en París. A Secretaría Xeral de Política Lingüística achega a Expolangues un posto e actividades centradas no noso idioma. Os cursos na rede, os centros de estudos ou os cursos do verán son algunhas das posibilidades de aprendizaxe de galego para foráneos que se publicitarán no encontro. Ademais, o venres 16, un minicurso permitiralle aos asistentes coñecer os rudimentos da nosa lingua.