Como é habitual nos últimos anos, a Secretaría Xeral e Política Lingüística contará cun expositor no salón Expolangues de París. Os visitantes poderán coñecer os cursos e programas existentes para aprender a nosa lingua, así como os recursos dispoñibles na rede ou os centros de estudos galegos que existen polo mundo. Ao tempo, neste espazo impartiranse minicursos de iniciación ao galego. O encontro desenvólvese desde hoxe e ata o vindeiro día seis, e conta con máis de 200 expositores.
