O Museo da Historia da Cidade da Cultura será un 24,4% máis grande do que tiña previsto inicialmente. Un feito que supón un incremento ao cómputo total do custe do complexo de 7 millóns de euros. A súa ampliación foi aprobada no Consello da Xunta, xustificando esa ampliación para gañar metros de superficie expositiva. O conxunto do Monte Gaiás supón tamén outro cambio, o de organización interna da Consellaría de Cultura. O Consello modificou a estrutura orgánica para crear dentro das dirección xerais de Creación e Patrimonio dúas subdireccións e servizos para xestionar a Biblioteca e o Arquivo Nacional.
