“I love you” é o título da exposición que acolle desde mañá o Centro Cultural Torrente Ballester de Ferrol. Unha mostra na que nove artistas internacionais reflexionan sobre o amor a partir da imaxe e da videocreación. Xoán Anleo, Pipilotti Rist ou Chris Cunningham son algúns dos nomes que exhibirán as súas obras durante dous meses. A mostra conta tamén coa colaboración do Centro Galego de Arte Contemporánea, que aproveitará para levar ata Ferrol algunhas videocreacións.
