Falece Manuel Díaz y Díaz, un dos grandes latinistas de Europa

Manuel Díaz y Díaz, catedrático emérito da USC e membro do Plenario do Consello da Cultura Galega polo Instituto de Estudios Xacobeos, faleceu hoxe pola mañá. Díaz y Díaz deixa como leigado unha extensa obra de investigación e un prestixioso grupo de discípulos que traballan arredor do latín medieval, materia da que o profesor era unha das grandes referencias da universidade europea. Díaz y Díaz recibiu cinco doutoramentos Honoris Causa, polas Universidades de Santiago de Compostela, Coimbra, Lisboa, Salamanca e León. O funeral será na capela do Rosario da igrexa de San Domingos de Bonaval, en Santiago de Compostela, o martes 5 ás 12:30 h.