O Círculo de Belas Artes de Madrid acolleu esta mañá a presentación do programa de Internacionalización da nosa cultura que está a abordar a Consellaría. A titular, Ánxela Bugallo, explicou o traballo que se está a desenvolver en ámbitos coma a música, a literatura, o audiovisual ou a banda deseñada, e lembrou a recente presenza de produtos das nosas industrias culturais en foros internacionais. Como novidades, presentouse o portal letrasdegalicia, centrado na proxección da nosa literatura, e lembrou que Europa e Latinoamérica supoñen os principais eixes desta política.
