O Ministerio de Cultura apoiará finalmente con máis de 256.000 euros o proxecto da Fundación Cidade da Cultura para dixitalizar fondos do noso patrimonio bibliográfico. O proxecto prevé facer accesible a través de Internet arredor dun millón de páxinas entre publicacións periódicas, libros, mapas e gravados mediante unha biblioteca virtual. Está previsto que o proxecto estea na rede a finais do ano. Ao tempo, a conselleira de Cultura asegurou que a reapertura do proceso xudicial sobre a xestión da Cidade da Cultura non interferirá no desenvolvemento do proxecto.
