“O Castro-Sargadelos: Patrimonio da Galiza” é o título do manifesto co que os traballadores do Instituto Galego da Información solicitan que o complexo do Castro pase a ser "patrimonio da cidadanía", ademais de pedir apoio para Isaac Díaz Pardo. Un documento que foi asinado por máis dun centenar de intelectuais, pero que conta, ademais, con tres sinaturas moi significativas, as dos tres expresidentes da Xunta: Xerardo Fernández Albor, Fernando González Laxe e Manuel Fraga.
