Hai tres semanas, o Ministro de Cultura, César Antonio Molina, indicaba que cumprían reformas no contorno da Torre de Hércules para facilitar a súa declaración pola UNESCO. Agora, o subdirector xeral de Patrimonio do Ministerio, Luís Lafuente, sinalaba que o estado da torre é axeitado para pasar a inspección do organismo internacional e que non lle parece que haxa necesidade de amañar os xardíns que rodean o monumento. A coincidir coa súa visita, o alcalde coruñés anunciou que a recuperación do Castro de Elviña contará con financiamento a cargo do 1% cultural de Fomento.
Máis información en La Opinión, en El Ideal Gallego, en El Correo Gallego e en La Voz de Galicia; a rehabilitación nos nosos arquivos
