Alberto Ruíz de Samaniego é o novo director da Fundación Seoane

No ano no que a Fundación Seoane cumpría unha década de traballo, a súa directora, Silvia Longueira, anunciou que deixaba o cargo para iniciar a súa carreira política. Despois de varios meses co posto vacante, o padroado da Fundación elixiu onte ao seu substituto. Trátase do doutor en filosofía, Alberto Ruíz de Samaniego (Fene, A Coruña, 1966) e no seu amplo currículo destaca que foi o comisario do Pabillón de España na última edición da Bienal de Arte de Venecia. Polo demais, Silvia Longueira non abandona a fundación, senón que queda como vicepresidenta tal e como propuxo o intelectual Isaac Díaz Pardo.

Máis información en El Ideal Gallego en La Opinión e sobre Ruiz de Samaniego na nosa hemeroteca