Os editores galegos entregaron os seus premios anuais no transcurso da Noite da Edición celebrada o venres na Coruña. Anxos Sumai resultou gañadora do Premio Xosé María Álvarez Blázquez á autora do 2007, mentres que o libro Made in Galiza, escrito por Sechu Sende e publicado por Galaxia, acadou foi elixido como libro do 2007. Pola súa banda, o libro de relatos O único que queda é o amor, de Agustín Fernández Paz (Xerais), recibiu o premio a mellor libro infantil e xuvenil. No palmarés tamén figuran os traballos de Carlos Silvar Guía de mamíferos de Galicia, de Baía Edicións, como mellor libro ilustrado. A Odisea, traducida por Xavier Senín e por Isabel Soto para a editorial Rodeira, recibiu o premio ao libro traducido e tres empresas, A Nosa Terra, La Voz de Galicia e Alvarellos Editora, acadaron cadanseu premio á edición histórica de Galicia.
Consulta as fichas en lg3 de Anxos Sumai; "Made in Galiza", de Sechu Sende; "O único que queda é o amor" , de Agustín Fernández Paz
