A Asociación de Escritores en Lingua Galega (AELG) proporá, como xa anunciara, a Luz Pozo Garza e mais a Xosé Luís Méndez Ferrín ao Premio Nobel de Literatura. O presidente deste colectivo, Cesáreo Sánchez, revelou que desde hai anos a Academia Sueca consúltalles as súas propostas, que remiten cun dossier sobre cada candidato. Deste xeito, serán dous os nomes galegos que opten ao galardón. Hai uns días o presidente do PEN Clube, Luís González Tosar, afirmaba que este colectivo era o único autorizado pola academia a propor candidatos, e lembrou que apoiarán unicamente a Méndez Ferrín.
Máis información en Galicia Hoxe e nos nosos arquivos
