Ramón Caride faise co premio Lueiro Rey e María Arce co Novos Creadores de Poesía

Esta fin de semana deixou tras de si unha resaca de premios. Ramón Caride fíxose co Premio Lueiro Rey con “O frío azul”, galardoado con tres mil euros e a publicación do libro. Os lectores de “El Progreso” escolleron a novela “O canto do muecín” do monfortino Lois Diéguez co premio “Táboa redonda”, que recoñece o mellor libro galego do ano. O premio Novos Creadores de Poesía, dentro do certame GZ Crea, foi para María Arce pola súa obra “A máquina de horas”. Ademais, o padroado da Fundación San Martiño da Estrada deu a coñecer os seus premios polo uso do galego. O xornal “Galicia Hoxe”, o director teatral Xosé Lueiro Lemos e o grupo que fundou nos noventa, Titirinautas, foron os galardoados nesta edición.

Máis información sobre o premio Lueiro Rey en La Voz de Galicia, o “Táboa redonda” en El Progreso e en Galicia Hoxe os premios Novos Creadores de Poesía e San Martiño