Alecrín e Alacrán son os premios que o concede anualmente o Grupo de Estudios Sobre a Condición da Muller, Alecrín, para sensibilizar a socidade da discriminación que viven as mulleres. O premio polo bo traballo realizado foi para o profesor Carl Djerassi, “pai” da píldora anticonceptiva porque, segundo apuntan no seu sitio web, “este descubrimento outorgoulle á muller a opción de exercer o control sobre o seu corpo no relativo á concepción e fixo que a maternidade, en vez de destino, sexa elección”. Pola contra, pola “apoloxía que fai da violencia contra as mulleres e pola súa actitude reaccionaria e machista lanzada nas súas proclamas e artigos” o escritor Arturo Pérez Reverte foi recoñecido co premio Alacrán.
Máis información no web de Alecrín e sobre edicións anteriores na nosa hemeroteca
