O xurado da quinta edición do premio Pura e Dora Vázquez de literatura infantil e xuvenil acordou premiar ao escritor Miro Villar (Cee, 1965) pola súa novela “o nariz de Fiz”. Villar, profesor de literatura e crítico literario, recibiu con sorpresa a noticia posto que era o primeiro relato longo que escribía nesta modalidade e que presentaba a un premio. O xurado valorou a riqueza do léxico empregada así como o fomento de “valores positivos como a amizade, a familia”. O premio, convocado pola Deputación Provincial de Ourense, está dotado con 3.000 euros e a publicación da obra. Ao decidirse a modalidade de literatura queda aberta a convocatoria para a modalidade de ilustración, na que terán que presentarse propostas sobre a obra de Villar.
Maís información en La Voz de Galicia
ficha en Lg3 de Miro Villar
