O Concello de Santiago e a editorial Kalandraka veñen de convocar conxuntamente o I Premio Internacional ‘COMPOSTELA’ para Álbums Ilustrados, unha iniciativa pioneira en Galicia e dirixida a autores e ilustradores do ámbito internacional. Trátase dun dos certames a nivel estatal mellor dotados economicamente, con 12.000 euros, en concepto de dereitos de autor. O premio implica ademais a publicación da obra gañadora nas cinco linguas oficiais da Península Ibérica (galego, castelán, catalán, euskera e portugués). O prazo de entrega dos traballos finaliza o 31 de xaneiro de 2008 e o fallo do xurado darase a coñecer o 2 de abril, data que coincide co Día do Libro Infantil e Xuvenil e co décimo aniversario da creación de Kalandraka. Os cartaces editados coas bases completas do concurso distribuiranse nas principais feiras internacionais do libro que restan por celebrar este ano, Frankfurt (Alemaña) e Guadalajara (México).
Máis información en Kalandraka
