A universidade galega quere que os seus alumnos sexan competentes noutros idiomas. A Universidade de Vigo xa comezou o pasado curso cun programa que fomentaba a docencia noutros idiomas e a de Santiago acaba de anuncialo para o curso 2008-2009. Mentres en Vigo fomentan o plurilingüismo sen atender a ningunha lingua en particular, en Santiago o idioma é o inglés. Aínda que o anuncio da USC está por concretar, aplicarase nos estudos de posgrado e nos segundos ciclos.
