Pinche Mundo, a anunciada novela gráfica de Kike Benlloch e Diego Blanco é o primeiro dos títulos da Colección Rompehielos, coa que o colectivo Polaqia se interna na edición de novelas gráficas en castelán. Ao tempo, este grupo de autores presenta, no vindeiro Viñetas desde o Atlántico, o primeiro dos seus libros de arte, o Sketchbook nº1 no que se poden ver obras de Miguel Robledo. Por se fose pouco, no posto 22 do festival, poderá mercarse o número dez do fanzine Barsowia, que conta con colaboracións coma Esteban Hernández, Carlos Vermut, David Rubín, Sergio Covelo, Miguel Robledo, Kohell ou Carlos Portela. A presentación de todas estas novidades será o martes 14 ás 18:35.
Máis información na
ficha de Pinche Mundo, na ficha do Sketchbook e na ficha de Barsowia; máis sobre Viñetas nos nosos arquivos
