A trixésimo sexta edición da Feira do Libro da Coruña botará a andar o primeiro de agosto nos Xardíns de Méndez Núñez e estará durante dez días presente cun nutrido programa de actividades e presentacións. A presenza do ministro de Cultura, o coruñés César Antonio Molina, presentando o día 8 o seu segundo libro de poemas escrito en galego, “Eume” (Ed. Galaxia), concitou moita expectación arredor do evento. O escritor compostelán Suso de Toro será o encargado do pregón inaugural ás 13 horas. Durante os deze días que as cincuenta casetas estarán abertas serán moitos os escritores que pasarán a asinar ou presentar obras, como é o caso de Alfredo Conde, Xosé Neira Vilas, Manuel Rivas e Fina Casalderrey. Tamén haberá presenza das letras en castelán cos escritores Alberto Vázquez-Figueroa, Marta Rivera de La Cruz ou Juan Gómez Jurado entre outros. Os libreiro agardan superar os cen mil visitantes da edición anterior.
Máis información en La Opinion
