Despois dun encontro con representantes da Asociación Galega de Editores o presidente da Xunta, Emilio Pérez Touriño, comprometeuse a estudar alternativas para o actual modelo de gratuidade dos libros de texto. Os editores entregaron ao presidente un informe no que se detallan unha serie de consecuencias catastróficas para o sector do libro por causa do modelo actual. Segundo este informe as vendas caeron á metade desde que se implantou a gratuidade. Os editores propoñen axudas directas ás familias segundo a renda. Dado o avanzado do ano calquera cambio de sistema terá que agardar ata o curso 2008-2009.
Máis información en La Voz de Galicia
