Un texto de Otero Pedrayo sobre Rosalía de Castro. A dirección de Roberto Vidal Bolaño, A música de Rodrigo Romaní. O bo facer do CDG. Todo unido para realizar a que será sen dúbida unha das obras teatrais de éxito esta tempada, "Rosalía".
Unha obra de altura
Será o vindeiro mes cando Centro Dramático Galego (CDG) presente "Rosalía", a súa última producción. A obra está baseada nunha obrade Ramón Otero Pedrayo que se publicou logo da morte do polígrafo ourensán.
O texto, orixinalmente escrito na forma dun diálogo dramático, analiza a vida e o pensamento da poeta, que comparte escea con outros destacados autores do rexurdimento coma Eduaro Aguirre, Manuel Murguía ou Neira de Mosquera.
O prestixioso dramaturgo Roberto Vidal Bolaño foi o encargado de adaptar o texto de Otero Pedrayo para unha representación na que se prevé que interveñan máis de vinte actores.
Música dun mestre
A música desta obra estará a cargo do coñecido músico e antigo membro de Milladoiro Rodrigo Romaní, que compuxo para esta ocasión unha partitura de carácter sinfónico.
Será a Real Filharmonía de Galicia, dirixida por Maximino Zumalave, a encargada de interpretar a banda sonora desta obra, que está previsto que se recolla nun disco compacto. Esta partitura constitúa o segundo traballo en solitario de Rodrigo Romaní logo do seu álbum "Albeida"
