CORREO
RSS
Ti estás aquí > Inicio / DISCO / As pandeireteiras Anubía presentan o seu primeiro disco "Segredo a voces"
As pandeireteiras Anubía presentan o seu primeiro disco "Segredo a voces"
maio 21, 2001
Anubía é un grupo formado por seis pandeireteiras que na puberdade xuntáronse a cantar dentro da Agrupación Folklórica Cantigas e Agarimos e que comezaron a súa experiencia en gravacións participando en 1996 co grupo Berrogüetto no álbum Navicularia. Co seu primeiro traballo discográfico "Segredo a voces" (Boa Music, 2001) Eva Blanco, Maite Castro, Ana Blanco, Teresa Triáns, Patricia Blanco e Isabel Vilaseco amosan o seu dominio das cordas vocais. Nos doce temas que se recollen no disco as polifonías vocais quedan equilibradas entre elas e cos instrumentos grazas a un bo traballo de produción da man de Pancho Álvarez, membro da banda de Carlos Núñez. Nesta ducia de temas do disco atopamos influencias ben asimiladas de ritmos árabes ou melodías pop que enriquecen e achegan orixinalidade. Sen dúbida que as achegas de catro dos membros de Berrogüetto á gravación do álbum contribúe a dotar ó son dunha calidade excepcional.
Tamén che pode interesar:
- 11/ 2/ 2015 | Lagharteiras leva o seu traballo de investigación ao disco
- 17/ 6/ 2013 | Á sombra da oliveira é o novo de Tanxedoras
- 3/ 3/ 2009 | Wöyza presenta o seu primeiro disco editado en vinilo
- 19/ 6/ 2008 | Xosé Antonio Ferreiro: “Tentamos que as voces das pandeireteiras fagan algo máis que cantar ao unísono”
- 13/ 6/ 2005 | Leilía distribuirá o seu novo disco Son de Leilía exclusivamente en Internet