Ir ao contido directamente.


Ti estás aquí > Inicio / DISCO / A Bakin'Blues Band celebra aniversario con 'Ten long years, 2008-2018'

PRESENTAN DISCO CONMEMORATIVO E UN ESPECTáCULO POLOS SEUS DEZ ANOS

A Bakin'Blues Band celebra aniversario con 'Ten long years, 2008-2018'

JAZZ/BLUES | abril 17, 2018

bakinbluesb_tenlongyears.jpg

A Bakin'Blues Band está a piques de cumprir dez anos de traxectoria e vaino celebrar por todo o alto. Será este venres 20 de abril cando presente o seu novo disco, Ten long years, nun concerto no Teatro Principal de Santiago de Compostela no que farán un repaso polos temas que levan interpretando nos escenarios desde 2008. No mesmo día estará á venda no propio concerto o disco, terceiro da banda, que inclúe unha escolla de gravacións en directo en Noia, na Sala Capitol e no recente Fisterra Blues Experience. Ten long years é tamén o título do espectáculo co que a banda compostelá de blues pretende recrear este percorrido dunha década. Será un concerto de 2 horas no que intervirá unha banda de 10 músicos, entre membros da Bakin, metais e coros. E a isto haberá que engadirlle convidados que teñen un vínculo especial coa banda. E a festa continuará despois do concerto nunha jam session no Dado Dadá, local fundamental na historia desta banda. Desde a banda efinen este concerto como "un capricho que pretende presentar toda esa experiencia, todos eses encontros, toda esa alegría do blues". A Bakin'Blues Band está formada por Javier Turnes ( voz e guitarra), David Vázquez (guitarra solista), David Prieto (baixo), Alejandro Casquero (teclado), e David Failde (batería).

Tamén che pode interesar:

datos do disco