MeGA

Información

• Noticias
• Reportaxes
• Certames
• Axenda musical
• Musica en galego
• Entidades
• Artistas
• Ligazóns

Xéneros

• Alternativa
• Antiga
• BSO
• Cantautor
• Clásica/Lírica
• Coral
• Electrónica
• Folk
• Fusión
• Hip-Hop
• Indie
• Jazz/Blues
• Melódica
• Nova era
• Pop
• Rock

Ti estás aquí > Inicio / / O barroco e a música antiga repiten en Santiago da man do Vía Stellae

A traxectoria do Vía Stellae está chea de cambios e de mudanzas que pasaron por diferentes orzamentos e distintos organizadores. Este encontro, que chegou a supor unha programación de 1.5 millóns de euros, foi organizado polo Xacobeo en colaboración con outras entidades, é asumido agora na súa totalidade polo concello de Santiago. Con todo, o encontro mantense fiel no que atende ás liñas de programación, co barroco e Santiago de Compostela como eixe central. Nesta ocasión, serán dúas semanas de concertos (de balde e de pagamento) que arrincan o vindeiro 5 de xullo.

O conxunto italiano Il Suonar Parlante, a soprano coreana Sunhae Im, acompañada polo grupo catalán Vespres d’Arnadí; a soprano arxentina María Cristina Kiehr, dunha das mestras e especialistas do canto e do barroco ou o italiano Vittorio Ghielmi son algúns dos nomes destacados nesta ocasión. Ademais, como non podería ser doutra maneira en tempos de crise, o festival colabora co FIP, Festival Internacional de Percusión que traerá outras visións e outras músicas e tamén varios proxectos de danza.