CORREO
RSS
OS MEMBROS DA FORMACIóN POTENCIARON UNHA ASOCIACIóN PARA ACHEGAR O JAZZ AOS CATIVOS
Músicos da provincia lucense presentan a big band Murajazz
marzo 24, 2010
Unha vintena de profesores e alumnos de distintos centros de formación musical de toda a provincia de Lugo conforman Murajazz. Trátase dunha orquestra de jazz que pretende potenciar este xénero na provincia e se presentará formalmente o venres cun concerto no auditorio do Centro de Interpretación das Insuas en Rábade. O grupo conta cun repertorio do jazz dos anos 40 e 50, aínda que tamén contará cun oco para a bossa nova e os sons latinos. Os integrantes de Murajzz impulsaron tamén a creación da asociación Sons do Miño, coa que queren achegar este xénero musical ao máis cativos, para crear unha canteira de músicos de jazz.